لەبارەی تەمەنی خانەنشینیی نووسراوێک ئاراستەی حکومەتی عێراق دەکرێت

ئاڤا نیوز

 

داوا دەکرێت تاوەکو هەمواری یاسای خانەنشینی لە پەرلەمانی عێراق پەسەند دەکرێت، هیچ فەرمانبەرێک خانەنشین نەکرێت.

ئەوەی پێویستە بیزانیت: مانگی ئابی ئەمساڵ هەمواری یاسای تەمەنی خانەنشینی یه‌كگرتوو لە عێراق ڕادەستی سەرۆکایەتیی پەرلەمان کرا، بەگوێرەی هەموارەکە تەمەنی خانەنشینی گۆڕانکاریی بەسەردا دێت، بەجۆرێک تەمەنی خانەنشینی لە 60 ساڵەوە دەکرێتەوە 63 ساڵ.

 

نووسراوی فەرمی: یوسف کیلابی، ئەندامی پەرلەمانی عێراق و نوێنەری پەرلەمان لە حکومەتی عێراق، لە نوسراوێکدا کە ئاراستەی سەرۆکوەزیرانی کردووە، بەهۆی ئەوەی پەرلەمان نزیکە لەوەی یاسای خانەنشینی هەمواربکاتەوە و تەمەنی خانەنشینی بۆ 63 ساڵ بگەڕێنێتەوە، بۆیە داوا دەکەن بۆ سێ مانگ خانەنشینیکردنی فەرمانبەران دوابخرێت.

 

زانیاریی زیاتر: هەمیشە لە یەکەم مانگی ساڵی نوێدا لیستی ناوی ئەو فەرمانبەرانەی تەمەنیان دەگاتە خانەنشینی کە هاوکاتە لەگەڵ دەستپێکردنی وەرزی نوێی یاسادانان، ڕەوانەی حکومەت دەکرێت بۆ خانەنشینکردنیان، بەڵام بۆ ئەمساڵ داوا دەکرێت لە سێ مانگی یەکەمدا ئەو لیستە نەنێردرێت تاوەکو یاسای خانەنشینی هەموار دەکرێتەوە.