لە هەولێر دوو باندی بازرگانیکردن بە ماددە هۆشبەرەکان دەستگیر کران

ئاڤا نیوز

دوو باندی بازرگانیکردن بە ماددەی هۆشبەر بە بڕێک کریستال و مەریجوانە لەلایەن ئاسایشی هەولێر دەستگیر کران.

وێنە گەورەکە: لە چەند ساڵی ڕابردوودا بەکارهێنان و بازرگانیکردن بە ماددە هۆشبەرەکان لە هەرێمی کوردستان بەشێوەیەکی بەرچاو ڕوو لە زیادبوونە، بەردوام هەواڵی دەستگیرکردنی بەکارهێنەران و بازرگانان بە چەندین شێوە و لە چەندین شوێنی جیاواز ڕادەگەیێنرێت.

ڕاگەیێنراوی فەرمی: بەپێی ڕاگەیێنراوێکی ئاسایشی هەولێر، باندەکان لە پێنج کەس پێکهاتوون بە ناوەکانی 
 (أ ، و ، أ) و (ع ، أ ، م) و (ف ، م ، م) و (أ ، أ ، خ) و (ح ، ح ، ر)، بە بڕیاری دادوەری لێکۆڵینەوە گیراون.

زانیاریی زیاتر: وەک لە ڕاگەیێنراوەکەدا ئاماژەی پێکراوە، لە کاتی دەستگیرکردنیاندا دەست بەسەر بڕێک ماددەی هۆشبەر لە جۆری (کریستاڵ و مەریجوانە) و کەلوپەلی کێشانی ماددەی هۆشبەردا گیراوە.

ئەمەش بزانە: چوار  لە دەستگیرکراوەکان خەڵکی شارەکانی خواری عێراق و دەرەوەی هەرێمی کوردستانن.