دادگا سزای دوو ساڵ زیندانیکردن بەسەر سێ جووتیاری کورد دەسەپێنێت

ئاڤا نیوز

 

دادگا سزای دوو ساڵ زیندانیکردن بەسەر سێ جووتیاری داقوقدا دەسەپێنێت، ئەمەش بەتۆمەتی ئەوەی ئەم سێ جووتیارە هەوڵیانداوە جووتیارێکی عەرەبی هاوردە بڕفێنن. بەڵام چیرۆکەکە بەشێوەیەکی دیکەیە.

 

چیرۆکی سەرەکی: بەگوێرەی زانیارییەکان ڕاستی ڕووداوەکە بەمشێوەیە؛ سێ جووتیارە کوردەکە بەرگرییان لە زەوییەکانی خۆیان کردووە و عەرەبە هاوردەکان بە زۆر ویستوویانە ئەو زەوییانە لە جووتیارە کوردەکان چۆڵبکەن و لێیان زەوتبکەن.

 

ڕاگەیێنراوی فەرمی: عەبدوڵڵا میر وەیس، سەرۆکی لیژنەی کشتوکاڵ لە ئەنجوومەنی پارێزگای کەرکووک دەڵێت، دۆسییەکە سیاسییە و لەگەڵ پارێزگاری کەرکووک لەسەر هێڵین بۆ ئەوەی تانە لەو بڕیارە بدەن.
 

لەلایەکی دیکە: پارێزەری جوتیارە کوردەکانیش دەڵێت، جووتیارەکان ئێستا لە زیندانن، بڕیارەکە تەمیز دەکەینەوە و تانەی لێ دەدەین، جا ئەگەری هەیە بڕیارەکە هەڵبوەشێندرێتەوە یان ڕابگیرێت. بەڵام بەو مەرجەی نابێت جارێکی دیکە ئەم جووتیارە کوردانە ئەوەی کردیان دووبارەی بکەنەوە، بەڵام ئەگەر عەرەبی هاوردە شەڕیان پێبفرۆشن چی؟

 

زانیاریی زیاتر: لای خۆیەوە ڕێبوار تەها، پارێزگاری کەرکووکیش لەهەوڵی ئەوەدایە سێ جووتیارە کوردەکە ئازاد بکات.