کوژرانی بەرپرسێکی یەپەژە لە ڕۆژئاوای کوردستان ڕاگەیێنرا

ئاڤا نیوز

تورکیا کوژرانی بەرپرسێکی یەکینەکانی پاراستنی گەلە (یەپەژە) لە ڕۆژئاوای کوردستان ڕادەگەیێنێت، میدیاکانی نزیک لە یەپەژەش هەواڵەکە پشتڕاست دەکەنەوە.

وێنە گەورەکە: هێرش و بۆردوومانی فڕۆکەکانی تورکیا لە ڕۆژئاوی کوردستان بۆ سەر شەڕڤانانی یەپەگە و یەپەژە بەردەوامە، ئەمەش زیانێکی زۆری بەو هێزانە و بە خەڵکی مەدەنی گەیاندووە، تاوەکو ئێستا دەیان فەرماندە و سەدان هاونیشتیمانی مەدەنی گیانیان لە دەست داوە.

ڕاگەیێنراوی فەرمی: دەزگای هەوڵگری تورکیا (میت) ڕایگەیاند: لە ئۆپەراسیۆنێکی تایبەتدا ئازادی دێریک ناسراو بە (ئامینە سەید ئەحمەد) کە بەرپرس بووە لە دابینکردن و بەکارهێنانی مووشەک لە نێو یەپەژە لە قامیشلۆ کوژراوە.

میت ئاماژەی بەوە کردووە ئازادی دێرک ساڵی 2011 پەیوەندی بە یەپەژەوە کردووە، بەڵام ئاماژەی بە کاتی هێرشەکە و ڕۆژی کوژرانی نەکردووە.

بۆچوونی بەرامبەر: میدیاکانی نزیک لە یەپەژە ڕایانگەیاندووە، لە 16 ی ئەم مانگە لە هێرشێکی شەڕڤانان لە دژی سەربازانی تورکیا "ئازادی دێریک و فەرماندەیەکی دیکەی یەپەژە گیانیان لە دەست داوە.