بەغدا 631 ملیار دینار بۆ مووچەی مانگی 11 دەنێرێت

ئاڤا نیوز

 

پێشنیوەڕۆی ئەمڕۆ وەزارەتی دارایی عێراق، گوژمەیەکی دیکەی پارەی بۆ مووچەی مانگی 11ی مووچەخۆران خستە سەر هەژماری بانکی وەزارەتی دارایی هەرێمی کوردستان.

 

وێنە گەورەکە: دوێنێ دووشەممە دوای نزیکەی دوو مانگ لە نەناردنی مووچە لەلایەن حکومەتی عێراق و چوونی شاندێکی هەرێمی کوردستان بۆ بەغدا، وەزارەتی دارایی و ئابووریی هەرێمی کوردستان لیستی مووچەی مانگی 10ـی بڵاوکردەوە، هاوکات وەزارەتی دارایی ئەوەشی ڕاگەیاند، لەگەڵ گەیشتنی پارە لە بەغداوە دەست بە دابەشکردنی مووچەی مانگی 11 دەکرێت. 

 

ڕاگەیێنراوی فەرمی: ئەمڕۆ سێشەممە وەزارەتی دارایی و ئابووری هەرێمی کوردستان ڕایگەیاند: وەزارەتی دارایی عێراق بەشێک لە تەمویلی مووچەی مانگی 11ی مووچەخۆرانی هەرێمی کوردستانی خستە سەر هەژماری بانکی وەزارەتی دارایی کە بڕی  631 ملیار و 335 ملیۆن دینارە. 

 

ئەوەی پێویستە بیزانیت: ئەو گوژمەی لەلایەن بەغداوە نێردراوە بۆ مووچەی مانگی 11یە، ئەمە لەکاتێدایە هەرێمی کوردستان بۆ دابەشکردنی مووچە پێویستی 996 ملیار دینارە.