هەسەدە: ڕووبەرووی هەر هێرشێک دەبینەوە بکرێتە سەر کۆبانێ

ئاڤا نیوز

 

هێزەکانی سووریای دیموکرات بەیاننامەیەکیان لە بارەی ئەگەری هێرشی تورکیا و گرووپە چەکدارەکان بۆ سەر کۆبانێ بڵاوکردەوە و دەڵێن: ڕووبەڕووی هەر هێرشێک دەبینەوە کە بکرێتە سەر کۆبانێ.

 

وێنە گەورەکە:دوای ئەوەی گفتوگۆکانی نێوان هێزەکانی سووریای دیموکرات و گرووپە چەکدارەکان لەبارەی ئاگربەست لە کۆبانێ و منبچ بە بێ ئەنجام کۆتای هات، گرووپە چەکدارەکان خۆیان ئامادەکردووە و لە ئانوساتتدان بۆ ئەوەی هێرشبکەنە سەر کۆبانێ و هەسەدش دەڵێت، بۆ هەمو ئەگەرێک ئامادەن.

 

ڕاگەیەنراوی فەرمی: لە  بەیاننامەکەیدا هێزەکانی سوریای دیموکرات بەڵێن دەدات، ڕووبەڕووی هەر هێرشێکی هێزەکانی تورکیا و گرووپە چەکدارەکان ببنەوە بۆ سەر کۆبانی و شکستیان پێبهێنن و بەرگری لەم شارە بکەن، داوا لە وڵاتانی جیهانیش دەکەن پشتیوانیان بکەن و دژی هەموو گروپ و چەکدارەکان بوەستنەوە کە دەیانەوێت هێرش بکەنە سەر کۆبانێ.

 

هەسەدە دەشڵێت، "وەک چۆن ڕێکخراوی تیرۆرستی داعشمان تێکشکاند بەو شێوەیە تورکیا و گرووپەکانی تێکدەشکێنین".