ڕاوێژکارێکی پێشووی مام جەلال هۆشداریی بە سەرکردایەتیی یەکێتی دەدات

ئاڤا نیوز

 

ڕاوێژکارێکی پێشووی مام جەلال هۆشداریی دەداتە سەرۆک و سەرکرایەتی یەکێتی نیشتمانی کوردستان، پێیان دەڵێت: هەتا زووە فریای خۆتان بکەون و پەیوەندیتان لەگەڵ حیزبوڵڵای عێراق و قەیس خەز عەلی و ڕەیان کلدانی بپچڕێنن.

 

وێنە گەورەکە: یەکێتی نیشتمانی کوردستان پەیوەندییەکی توند و تۆڵی لەگەڵ بەشێک لەو لایەنە عێراقیانە هەیە کە بە نزیک لە ئێران هەژمار دەکرێن و بەهۆی چالاکییەکانیان لە دژی ئیسرائیل بوونەتە مەترسی بۆ سەر عێراقیش، بەوەی چەندین جار ئیسرائیل هۆشداریی داوە لەو ئیسرائیل دەستی دەگاتە هەموو شوێنێک کە مەترسی بێت بۆ سەر ئاسایشی وڵاتەکەی.

 

بڵاوکراوەی فەرمی: کامەران قەرەداغی، ڕاوێژکاری پێشووی مام جەلال لە سەرۆکایەتی کۆماری عێراق کە ئێستا لەلەندەن دەژی، چەند پەیامێک دەنێرێت بۆ بافڵ تاڵەبانی، سەرۆک و سەرکردایەتی یەکێتی نیشتمانی کوردستان لەسەر پەیوەندییان کەتیبەکانی حیزبوڵڵای عێراقی و ڕەیان کلدانی و قیس خەزعەلی و دەڵێت:

 

قسەیەکی زۆر ڕاشکاوانە:

 

هەموومان ئێستا کۆکین لەسەر ئەوەی  پێشهاتەکانی ئەم دواییەی ناوچەکە، بە تایبەتیش ڕووخانی دەسەڵاتی بەشار ئەسەد، بوونەتە هۆی پەڕ و باڵکردنی ئەو ناوانەی کە خۆیان ناوناوە میحوەری مقاوەمە ئەمەش وەکو شکان و دۆڕانی ئێران دەبینرێت. 

 

لە بەشێکی قسەکانیشیدا هاتووە، بێ گومان هەموو ئەمانەش کاریگەریی و لێکەوتەیان دەبێت لەسەر هەرێمی کوردستان.