لە هەرێمی کوردستان 16ساڵە سزای لەسێدارەدان ڕاگیراوە و جێبەجێ ناکرێت

ئاڤا نیوز

 

لە هەرێمی کوردستان ماوەى 14 ساڵە سزای لەسێدارەدان ڕاگیراوە و جێبەجێ ناکرێت، دواینجاریش لە ساڵى 2007 لە شارى دهۆک  کەسێک لە سێدارە دراوە. 

 

وێنە گەورەکە: لە دادگاکانی هەرێمی کوردستان سزای لەسێدارەدان هەیە، بەڵام جێبەجێکردنەکەی ڕاگیراوە و لە ڕووی کردارییەوە جێبەجێ ناکرێت، بۆ پابەندبوون بە بنەماکانی مافی مرۆڤ جێبەجێکردنی سزای لەسێدارەدان ڕاگیراوە وەک ئاماژەیەک بۆ مرۆڤ دۆستی و پاراستنی شکۆی مرۆڤایەتیی لە هەرێمی کوردستان. 

لێدوانی فەرمی: د.مونا یاقۆ، سەرۆکی دەستەی سەربەخۆی مافی مرۆڤ لە هەرێمی کوردستان بە ئاڤا نیوزی گوت: جێبەجێ نەکردنی سزای لەسێدارەدان لە دەسەڵاتی ئێمەدا نییە، بەڵام نامانەوێت هیچ تاوانبارێک لە سزا هەڵبێت و دەشڵێت، با سزاکە بکرێتە بە هەمیشەی.

 

لەلایەکی دیکەوە: ئاسۆ هاشم، پارێزەر و ڕاوێژکار بە ئاڤا نیوزی ڕاگەیاند: ئەو وڵاتانەی سزای لە سێدارەدان جێبەجێ دەکەن، بە بەراورد بەو وڵاتانەی سزای لە سێدارەدان جێبەجێ ناکەن، کەمترین رێژەی کوشتن و دەستدرێژی سیکسی تێدایە.