کۆمەڵگەیەکی گەورەی چەک لە هەرێمی کوردستان دروست دەکرێت

ئاڤا نیوز

 

دوای سەرکەوتنی پرۆسەی دەستبەسەرداگرتن و تۆمارکردنی چەکی بێ مۆڵەت، حکومەتی هەرێمی کوردستان بڕیاریداوە لە ئایندەیەکی نزیک کۆمەڵگایەکی گەورەی چەک لە گشت شارەکانی هەرێـمی کوردستان دروست  بکات کە تایبەت دەبێت بە کرین، فرۆشتن و تاقیکردنەوەی چەک.

 

لێدوانی فەرمی: عەقید کارزان، بەرپرسی ڕاگەیاندنی پۆلیسی هەرێمی کوردستان بە ئاڤای ڕایگەیاند: بۆ ڕێکخستنی مامەڵەکردن و نەهێشتنی چەکی بێ مۆڵەت، بڕیارە لە ئایندەیەکی نزیک کۆمەڵگایەکی گەورەی چەک لە سەرجەم شارەکانی هەرێمی کوردستان دورستبکرێت، لەو کۆمەڵگایە بنکەی پۆلیس و بنکەی ئاسایش و بنکەی بەرگریی شارستانی بنکەی تەندروستی لێ دەبێت، هەرکەسێک سەر بەدەزگا ئەمنیەکان بێت یان سەربازیی بێت داوای مۆڵەتی چەک بکات لەو شوێنە گشت ڕێکارەکان و مامەڵەکانی بۆ جێبەجێ دەکرێت، کە بەسەرپەرشتی وەزارەتی ناوخۆ و دەزگا ئەمنیەکان دەبێت.

 

عەقید کارزان دەڵێت، زیاتر لە 17 هەزار کەس چەکە بێ مۆڵەتەکانیان بە فەرمی لەو بنکە و شوێنانەی دیاری کرا بوو، تۆمار کردووە، دواتر ئەوەی داوای ڕێگەپێدان بکات بۆ هەڵگرتنی چەک، ڕێکاری دیکە هەیە لە ڕێگەی لیژنەیەکی تایبەت، ئەگەر پێویست بێت ڕێگەپێدانی پێدەدرێت.

 

ئەوەی پێویستە بیزانیت: پۆلیس و هێزەکانی ئاسایشی ناوخۆ، لە ڕێگەی بازگەکان و مەفرەزەکان بەردەوامن لە دەستبەسەرداگرتنی چەکی بێ مۆڵەت، بەمەبەستی کەمکردنەوەی تاوان و نەهێشتنی چەک لە دەست هاووڵاتییان.