مووچەخۆرانی هەرێمی کوردستان بەشێک لە مووچەیان بەهۆی بایۆمەتری دەبڕدرێت

ئاڤا نیوز

 

بە بڕیاری ئەنجوومەنی وەزیرانی عێراق بڕی (1%)ـی مووچەی ئەو کەسانەی بایۆمەترییان کردووە دەبڕدرێت، لە مووچەی مانگەکانی داهاتوویان دەبێت و تەنیا یەکجار دەبڕدرێت.

 

وێنە گەورەکە: ڕۆژانە سەدان مووچەخۆر لە بەڕێوەبەرایەتی خانەنشین و بانکەکان نۆرە دەبەستن بۆ تەواوکردنی بایۆمەتری و ژمارەی وەزیفی، چونکە مووچەیان ڕاگیراوە و تاوەکو خۆیان لە سیستەمەکە تۆمارنەکەن مووچە وەرناگرن.

 

ڕاگەیێنراوی فەرمی: ئەنجوومەنی وەزیرانی عێراق لە کۆبوونەوەی ڕۆژی سێشەممە 17-12-2024، بڕیاری پەسەندکردنی ئەنجامی تۆماری بایۆمەتری و ژمارەی وەزیفی مووچەخۆرانی هەرێمی کوردستانی دا و  بڕینی (1%) ـی مووچەکانیاشیان جێبەجێ دەکرێت لە کاتی پرۆسەی بایۆمەتری یان پلە بەرزکردنەوەیاندا، بڕەکە بۆ وەزارەتی پلاندانانی عێراق دەگەڕێنرێتەوە.

 

ئەمەش بزانە: بەگوێرەی بەدواداچوونی ئاڤا زیاتر لە دوو هەزار مووچەخۆر ماون بایۆمەتری بکەن، دەبێت لەم چەند ڕۆژە تەواوی ڕێکارەکان جێبەجێ بکەن.