بەهۆی شۆرتی کارەبا لە کێڵگەیەکی پەلەوەری زیاتر لە 23 هەزار مریشک سووتان

ئاڤا نیوز

 

بەرەبەیانی ئەمڕۆ چوارشەممە لە سنووری ناحیەی کەورگۆسکی سەربەقەزای خەبات، کێلگەیەکی پەلەوەری مریشک سووتا و زیانێکی ماددی زۆری بە بڕی زیاتر لە 29 هەزار دۆلار بە خاوەنەکەی گەیاند.

 

لێدوانی فەرمی: عەتەڵڵا نافع، بەرپرسی پشکنین لە بەرگری شارستانی کەورگۆسک بە ئاڤا نیوزی ڕاگەیاند: ئەمڕۆ چوارشەممە 18- 12- 2024  کێلگەیەکی پەلەوەری مریشک بە هۆی شۆرتی کارەباوە گڕی گرت، کە تیایدا بڕێکی زۆر لە دەرمانی چارەسەری مریشک بە بەهای چوار هەزار دۆلار و 20 تۆن ئالیک بە بەهای 20 ملیۆن دینار سووتاوە، لەگەڵ سووتانی  23 هەزار مریشک سووتاوە کە بەهاکەیان بە زیاتر لە 12 هەزار دۆلار دەخەمڵێنرێت.

 

لەلایەکی دیکەوە: سەمەد کانەبی، خاوەنی کێڵگەکە بە ئاڤا نیوزی ڕاگەیاند: بە ماوەی کاتژمێرێک هەموو شتێکم لەناوچوو، بەڵام سوپاس بۆ خوا زیانی گیانی نەبوو.

 

ئەوەی پێویستە بیزانیت: دوای ئاگادارکردنەوەی تیمەکانی بەرگری شارستانی لە ناحیەی کەورگۆسک تیمەکان گەیشتنە شوێنی ڕووداوەکە و ئاگرەکە کۆنترۆڵکرا.