ڕاوێژکارێکی سوودانی: داوا لە عێراق کراوە میلیشیاکان لە چەک دابماڵرێن

ئاڤا نیوز

 

ڕاوێژکارێکی سوودانی ئاماژە بۆ ئەوە دەکات, ئەمریکا و وڵاتانی ڕۆژئاوا داوایان کردووە چەک لە گرووپە چەکدارەکانی عێراق داماڵرێت، هۆشداریشی دا ئەگەر ئەوە نەکرێت ئەو کات بە هێز ئەو داوایە دەسەپێنرێت.

 

وێنە گەورەکە: ڕووخانی دەسەڵاتی ئەسەد لە سووریا هەژموونی ئێرانی لەو وڵاتە کۆتایی پێهێنا، ئەمریکا و وڵاتان فشار دەکەن لەپێناو هەڵوەشاندنەوەی گرووپە چەکدارەکانی سەر بە ئێران لە عێراق و ڕاوێژکارێکی سوودانی ئاماژە بەوە دەکات، ئەمریکا و وڵاتانی ڕۆژئاوا فشار دەکەن لەم پێناوەدا، ئەگەر ئەو داوایە جێبەجێ نەکرێت بە هێز بابەتەکە یەکلایی دەکرێتەوە و عێراق دەکرێتە ئامانج.

 

لێدوانی فەرمی: ئیبراهیم سومەیدەعی، ڕاوێژکاری سەرۆکوەزیرانی عێراق لە چاوپێکەوتنێکی تەلەڤزیۆنی لەگەڵ کەناڵی "ئەلسۆمەرییە"ی عێراقی ڕایگەیاند: مەرجێکی کۆن هەیە کە بەسەر حکومەتەکانی عێراقدا سەپێنراوە بۆ هەڵوەشاندنەوەی گرووپە چەکدارەکان، پێمانوایە لەم ماوەیە ئەم مەرجە دەسەپێنرێت بۆ هەڵوەشاندنەوەی گرووپە چەکدارەکان.

 

زانیاریی زیاتر: سومەیدەعی ئاماژەی بەوەشکرد، لێکتێگەیشتنی سیاسی لەگەڵ ئەو گرووپانە لە قۆناغەکانی پێشوودا پێشکەوتنی هەبووە، بەڵام دۆخی ئێستای ناوچەکە پێویستی بە کردەوەی خێرا و سەربەخۆیە لەلایەن لایەنە پەیوەندیدارەکانەوە.

 

ئەوەی پێویستە بیزانیت: تاوەکو ئێستا گرووپە چەکدارەکان هیچ لێدوانێکی فەرمییان دەربارەی قسەکانی ئەو ڕاوێژکارە بڵاونەکردووەتەوە.