مەسرور بارزانی و باڵیۆزی چیک پرسی مووچە و کێشەکانی هەولێر و بە‌غدا تاوتوێ دەکەن

ئاڤا نیوز

 

سەرۆکوەزیران مەسرور بارزانی لەگەڵ یان شنایداۆف، باڵیۆزی نوێی کۆماری چیک لە عێراق گفتوگۆیان لەبارەی چارەسەرکردنی کێشەکانی نێوان هەولێر و بەغدا و دابینکردنی مافە دەستووری و شایستە داراییەکانی هەرێمی کوردستان کرد.

 

وێنە گەورەکە: ڕۆژی چوارشەممە 18-12-2024، سەرۆکوەزیران مەسرور بارزانی پێشوازیی لە یان شنایداۆف، باڵیۆزی نوێی کۆماری چیک لە عێراق کرد و چەند پرسێکیان سەبارەت بە هەرێمی کوردستان و کێشەکانی نێوان هەولێر و بەغدا تاوتوێ کرد.

 

ئەوەی پێویستە بیزانیت: سەرۆکوەزیران مەسرور بارزانی  و باڵیۆزی چیک  لە دیدارەکەدا گفتوگۆیان کرد لەبارەی پەرەپێدانی پەیوەندیی دوولایەنە و گرنگیی پێکهێنانی کابینەی نوێی حکومەتی هەرێمی کوردستان لە زووترین کاتدا. هاوکات، سەرۆکوەزیران مەسرور بارزانی پیرۆزبایی لە باڵیۆزی نوێی چیک کرد و هیوای سەرکەوتنی لە ئەرکەکەی بۆ خواست.

 

 

ئەمەش بزانە: باڵیۆزی چیک بۆ سەرۆکوەزیران خواستی بەرەوپێشبردنی زیاتری پەیوەندییەکانی وڵاتەکەی لەگەڵ هەرێمی کوردستان لە بوارە جۆراوجۆرەکان دووپات کردەوە.