دەستەی وەبەرهێنان لە مۆڵەتپێدان بە پرۆژەکان ڕیکۆرد دەشکێنێت

ئاڤا نیوز

 

دەستەی وەبەرهێنانی حکومەتی هەرێمی کوردستان زۆرترین مۆڵەتی لە ساڵی 2024 بە پرۆژەکانی وەبەرهێنان داوە.

 

وێنە گەورەکە: هەرێمی کوردستان بەرەو فرەچەشنکردنی سەرچاوەکانی داهات هەنگاو دەنێت و پرۆژەکانی وەبەرهێنانیش بەردەوامن لە وەرگرتنی مۆڵەت، هاوکات دەیان کۆمپانیای ناوخۆیی و جیهانی پرۆژەی جیاواز و هاوبەش بونیاد دەنێن.

 

لێدوانی فەرمی: بەرگەشت ئاکرەیی، وتەبێژی دەستەی وەبەرهێنانی حکومەتی هەرێمی کوردستان بە ئاڤا نیوزی ڕاگەیاند: لەمساڵدا زۆرترین مۆڵەت بە پرۆژەکانی وەبەرهێنان دراوە کە 179 مۆڵەتە، سەرمایەکەشیان نزیکەی سێ ملیار و 500 ملیۆن دۆلارە، هاوکات لە 30% پرۆژەکان پیشەسازین کە ڕوئیای سەرۆکوەزیرانە بۆ فرەچەشنکردنی داهات.

 

ئەوەی پێویستە بیزانیت: لە ساڵی 2006ەوە تاوەکو ئێستا نزیکەY هەزار و 400 مۆڵەت بە پرۆژەکانی وەبەرهێنان دراوە، هاوکات سەرمایەی پرۆژەکان لە ماوەی 18 ساڵی ڕابردوودا نزیکەی 71 ملیار دۆلارە.