پلاندانانی عێراق: ڕێژەی هەژاری بۆ 16.5% دابەزیوە

ئاڤا نیوز

وەزیری پلاندانی عێراق ڕایدەگەیێنێت، بەپێی ئەنجامی سەرژمێری ڕێژەی هەژاری لە عێراق بۆ 16.5% دابەزیوە.

لێدوانی فەرمی: ئەحمەد ئەسەدی، وەزیری پلاندانانی عێراق لە کۆنگرەیەکی ڕۆژنامەوانیدا لە پارێزگای دیالە  ڕایگەیاند: "بەپێی ئەنجامی سەرژمێری ئابووریی کۆمەڵایەتی، ڕێژەی هەژاری لە عێراق بۆ 16.5% دابەزیوە، لە پارێزگای دیالەش ڕێژەکە گەیشتووەتە 18.8%".

ئەوەی پێویستە بیزانیت: پێش ئەنجامدانی سەرژمێری، بەپێی داتاکانی وەزارەتی پلاندانانی عێراق ڕێژەی هەژاری 25٪ بوو، تەنانەت لە هەندێک پارێزگای خواروو و ناوەڕاستی عێراق ڕێژەی هەژاری 50%ـی تێپەڕاندبوو.

ئەمەش بزانە: بەپێی ئەنجامە بەراییەکانی سەرژمێری گشتیی دانیشتووان، لە عێراق ژمارەی خێزان گەیشتووەتە حەوت ملیۆن و 898 هەزار و 588 خێزان، کۆی گشتیی دانیشتووانیش 45 ملیۆن و 407 هەزار و 895 کەسە.