پووتین: بەشار ئەسەدم نەبینیوە، بەڵام پلانم هەیە بۆ بینینی

ئاڤا نیوز

 

ڤیلادیمێر پووتین، سەرۆکی ڕووسیا باس لە دۆخی سووریا دەکات و ئاشکرای کرد کە تاوەکو بەشار ئەسەدی نەبینیوە، بەڵام لە پلانیدا هەیە بیبینێت. 

 

وێنە گەورەکە: دوای تێپەڕبوونی نیو سەدە لە حکومڕانی بنەماڵەی ئەسەد و 13 ساڵ بەسەر خۆپێشاندانەکانی سووریادا، بەرەبەیانی ڕۆژی یەکشەممە (08-12-2024) ئۆپۆزیسیۆنی چەکداری ئەو وڵاتە، دیمەشقی پایتەختی کۆنترۆڵ کرد و بەشار ئەسەد سەرۆکی وڵاتەکە بەرەو ڕووسیا هەڵات.

 

 

لێدوانی فەرمی: ڤلادیمیر پووتین، سەرۆکی ڕووسیا کۆنگرەی ڕۆژنامەوانیی ساڵانەی کرد و چەندین پرسی گرنگی خستەڕوو، لە نێویاندا دۆخی سووریا بابەتێکی گرنگی کۆنگرەکە بوو و ئەمانەی گوت: 

 

 

- دوای هاتنی بەشار ئەسەد بۆ مۆسکۆ نەمبینوە، بەڵام لە پلانمدایە بیبینم و لەگەڵی کۆببمەوە.

 

- کەسانێک هەوڵی ئەوە دەدەن کە ئەوەی لە سووریا ڕووی دا وەک شکستێک بۆ ڕووسیا پێناسە بکەن، ئەمە هیچ ڕاستییەکی بۆ نییە، کەوتنی ئەسەد شکستی ڕووسیا نییە و ئێمە ئامانجمان لەوێ بەدەستهێناوە.

 

-مۆسکۆ پێشنیازی بۆ دەسەڵاتدارانی نوێی سووریا کردووە سەبارەت بە بنکە سەربازییەکانی ڕووسیا لە ناوچەکە، بەڵام تاوەکو ئێستا بڕیار لەسەر چارەنووسی سوپای وڵاتەکەی لە سووریا نەداوە.