سەرۆک بارزانی و نوێنەری نەتەوەیەکگرتووەکان تاوتوێی پێکهێنانی کابینەی نوێی حکومەت دەکەن

ئاڤا نیوز

سەرۆک بارزانی پێشوازی لە نوێنەری تایبەتی سکرتێری گشتیی رێکخراوی نەتەوە یەکگرتووەکان لە عێراق دەکات و تاوتوێی پێکهێنانی کابینەی نوێی حکومەتی هەرێمی کوردستانیان کرد. 

 

وێنە گەورەکە: پێنجشەممە 19ی کانوونی یەکەمی 2024 لە پیرمام سەرۆک مەسعود بارزانی پێشوازی لە  دکتۆر محەممەد ئەلحسسان نوێنەری تایبەتی سکرتێری گشتیی ڕێکخراوی نەتەوە یەکگرتووەکان لە عێراق و شاندی یاوەری کرد.

  
ڕاگەیێنراوی فەرمی: لە ڕاگەیێنراوەکەی بارەگەی بارزانیدا هاتووە، سەرۆک بارزانی و نوێنەری نەتەوە یەکگرتووەکان لە عێراق باسیان لە گفتوگۆی لایەنە سیاسییەکان کردووە بۆ پێکهێنانی کابینەی نوێی حکومەتی هەرێمی کوردستان کردووە، جەخت لە پێویستی پێکهێنانی کابینەی نوێ کراوەتەوە لەم دۆخە هەستیارەدا. 

 

زانیاریی زیاتر: لە دیدارەکەدا ڕۆشنای خراوەتە سەر پێشهاتەکان و گۆڕانکارییەکانی سووریا و ناوچەکە بە گشتیی باس لە مەترسییەکانی سەرهەڵدانەوەی تیرۆر و بیری توندڕەویی کراوە، ئەگەری دزەکردنی تیرۆریستان لە سوویاوە بۆ عێراق بە مەترسی جددی وەسفکراوە.

 

ئەوەی پێویستە بیزانیت: هەردوولا هیوایان خواست سووریا ئارامی و سەقامگیری بەخۆیەوە ببینێت، کێشە و گۆڕانکارییەکان بە دیالۆگ و لێکتێگەیشتن چارەسەر بکرێن.