لاهوور شێخ جەنگی و ناڕازییەكانی گۆڕان دەچنە یەک بەرەوە

ئاڤا نیوز

 

لاهوور شێخ جەنگی و ناڕازییەكانی نێو بزووتنەوەی گۆڕان دەچنە یەک بەرەوە بۆ هەڵبژاردنی داهاتووی پەرلەمانی كوردستان.

 

بۆچی گرنگە: لاهوور شێخ جەنگى كە دەستی بە ئامادەکاری کردووە بۆ بەشداریکردن لە هەڵبژاردن، بە نزیكبوونەوەی لەگەڵ ناڕازییەكانی گۆڕان تەنیا دەنگی یەكێتی نابات، بەڵكو دەنگی گۆڕانیش دەبات. 

 

زانیاریی تایبەت: کۆبوونەوەکە دۆستانە بووە و لاهوور شێخ جەنگی داوای لێكردوون پێکەوە وەک لیستێكی ئۆپۆزیسیۆن بەشداری هەڵبژاردن بكەن و بەشێکیشیان ڕەزامەندییان داوە. 

 

گۆشەیەکی دیکە: لەبارەی گۆڕانكارییەكانی بزووتنەوەی گۆڕان و ئەگەری گەڕانەوەیان بۆ نێو بزووتنەوەکە، یەکێک لە هەڵسووڕاوە دیارە ناڕازییەکان بە ئاڤا نیوزی گوت: "بەهیچ شێوەیەک گفتوگۆ لەگەڵ گۆڕاندا ناكەین و هیچ خاڵێک نییە لەسەری ڕێكبكەوین".

 

بۆچوونی لایەنی بەرامبەر: سەرچاوەیەكی نزیک لە لاهوور شێخ جەنگی بە ئاڤا نیوزی گوت: "ئێمە بەرەیەكی ئۆپۆزیسیۆن دەبین و ئاساییە داوایان لێبكەین پێكەوە خزمەت بە ئامانجێك بكەین لە داهاتوودا".