وەزارەتی خوێندنی باڵا: ڕێککارە کارگێڕی و داراییەکانی کۆلێژی پزیشکی هەڵەبجە تەواو کراون

ئاڤا نیوز

 

لەلایەن وەزارەتی خوێندنی باڵا و توێژینەوەی زانستی کار بۆ ڕێکخستنی دەرفەتی ڕاهێنانی پێداگۆجی بۆ مامۆستایانی کۆلێژی پزیشکی زانکۆی هەڵەبجە دەڕەخسێنرێت.

 

ڕاگەیێنراوی فەرمی: وەزارەتی خوێندنی باڵا و توێژینەوەی زانستی ڕایگەیاند: دەست بە ڕێکخستنی دەرفەتی ڕاهێنانی پێداگۆجی بۆ مامۆستایان دەکرێت، هەروەها تیمی زانستی و پسپۆڕ بۆ کارکردن لەسەر داڕشتن و پەرەپێدانی پرۆگرامەکانی خوێندن و تەواوکردنی ئامادەکارییە زانستی و تەکنۆلۆجییەکانی تایبەت بەخوێندنی پزیشکی پێکدەهێنرێت.

 

لە ڕاگەیێنراوەکەدا ئاماژە بەوە کراوە، سەرجەم ڕێککارە کارگێڕی و داراییەکان بۆ دابینکردنی پێداویستی تاقیگەکان و ژینگەی خوێندنی کۆلێژی پزیشکی تەواو کراون و لە قۆناغی تەندەر و کڕیندان.

 

زانیاریی زیاتر: وەزارەتی خوێندنی باڵا و توێژینەوەی زانستی، جەخت لەسەر پابەندبوونی بە تەواوکردنی پڕۆژەکە لەو کاتەی بۆی دیاریکراوی دەکاتەوە.

 

ئەوەی پێویستە بیزانیت: ژمارەیەکی زۆر پزیشک کە هەڵگری بڕوانامەی زانستی و کلینیکی بەرزن و لە هەڵەبجە کار دەکەن، ئامادەیی خۆیان بۆ دامەزراندن و بەڕێوەبردنی کۆلێژی پزیشکی زانکۆی هەڵەبجە دەربڕیوە و بەشدار دەبن.