هەڵبژاردنی شارەوانیەكانی ئیسرائیل بەڕێوەدەچێت

ئاڤا نیوز

بە بەشداری حەوت ملیۆن هاووڵاتی، هەڵبژاردنی شارەوانییەکانی ئیسرائیل بەڕێوەدەچێت.  

ئەوەی پێویستە بیزانیت: هەرچەندە ئیسرائیل لەگەڵ گرووپە چەکدارەکاندا لەشەڕدایە، بەڵام ئەمڕۆ هەڵبژاردنی شارەوانییەکان دەستیپێکرد، حەوت ملیۆن کەس مافی دەنگدانیان هەیە، 197 شارەوانی و 44 ئەنجوومەن و ناوچە هەڵبژاردن دەکەن.

بۆچی گرنگە: ئیسرائیل خۆی بە وڵاتێکی دیموکراسی ناودەبات، سەرەڕای ئەوەی لەشەردایە ، هەڵبژاردن بەڕێوەدەبات، وابڕیاربوو ئەم هەڵبژاردنە لە 31ی تشرینی یەکەم بکرێت، بەڵام بەهۆی هەڵگیرسانی شەرەکەوە دواخرا.

لێدوانی فەرمی: بێنی گانتس، سەرۆکی پارتی شین و سپی ڕایگەیاند: بڕۆن بۆ هەڵبژاردن و دەنگی خۆتان بدەن و چارەنوستان دیاری بکەن.

ئەوەی پێشبینی دەکرێت: پێشبنی دەکرێت پارتەکەی نەتانیاهۆ لە شارە گەورەکانی وەک پایتەخت زۆرینەی دەنگەکان بەدەستبهێنێت و لە شارە بچووکەکان و شارەکانی دیکەش پارتەکانی دیکە دەنگی شارەوانییەکان بباتەوە.

زانیاريی زیاتر: لەسەرجەم ئیسرائیل هەڵبژاردن ناکرێت، هەر شارێک 10 کیلۆمەتر نزیکبێت لە ناوچەی شەڕ لە سووریا و لوبنان و کەرتی غەززەوە لەبەر مەترسی شەڕ هەڵبژاردن ناکرێت.