65 كۆچبەری كورد لە كەناراوەكانی یۆنان دیپۆرتی توركیا دەكرێنەوە

ئاڤا نیوز

 

ئەو 65 كۆچبەرە كوردەی كە لە دەریای ئیجە لە نزیك كەناراوەكانی یۆنان گیریان خواردبوو، دیپۆرتی توركیا كرانەوە.

 

وێنە گەورەكە: لەماوەی 24 كاتژمێری ڕابردوودا، 65 كۆچبەری كورد لە كەناراوەكانی دەریای ئیجە گیریان خواردبوو، شەوی ڕابردوو لەلایەن پۆلیسی دەریاوانی وڵاتی یۆنانەوە، دیپۆرتی وڵاتی توركیا كرانەوە.

 

لێدوانی فەرمی: ڕەنج پشدەری، چالاكوانی پرسی كۆچبەران و كوردانی تاراوگە تایبەت بە ئاڤا میدیا ڕایگەیاند، "كۆچبەرەكان ژمارەیان 65 كەس بوون كە 25ـیان منداڵی بچووك بوون بەبێ گوێدانە دۆخی خێزانی و لایەنی مرۆیی، لەلایەن پۆلیسی دەریاوانی وڵاتی یۆنان بەزۆرەملێ دیپۆرتی توركیا كراونەتەوە".

 

لەلایەکی دیکەوە: بەگوێرەی زانیارییەكانی دەزگای لووتكە بۆ كاروباری پەنابەران و كوردانی تاراوگە، یەختێك بە نزیكەی 110 سەرنشینەوە لە كەناراوەكانی ئیتاڵیا نوقم بووە، 30 كەسیان بێسەروشوێنن، تا ئێستاش تەرمی 10 لە قوربانییەكان دۆزراوەتەوە كە نۆ كەسیان عەرەبن و كوردێكی هاووڵاتیی ناوچەی هەڵشۆ لە دەڤەری قەڵادزێ لەنێو قوربانیانە.