ئەردۆغان: کاتی لەناوبردنی تیرۆرە لە سووریا

ئاڤا نیوز

 

ڕەجەب تەییب ئەردو‌غان، سەرۆککۆماری تورکیا ڕایگەیاند، ئێستا کاتی تێکشکاندنی گرووپە تیرۆریستییەکانی تورکیایە کە بوونەتە هەڕەشە بۆ سەر سووریا.

 

لێدوانی فەرمی: ڕەجەب تەیب ئەردۆغان لە وتەیەکدا لە قاهیرەی پایتەختی میسر گوتی: "داعش، پەکەکە و ئەوانەی سەر بەوانن، کە هەڕەشە لە مانەوەی سووریا دەکەن، دەبێت لەناو ببرێن. ئێستا کاتی لەناوبردنی ئەو ڕێکخراوە تیرۆریستییانەیە کە لە سووریادا هەن."

 

زانیاریی زیاتر: لەلایەکی دیکەوە، بڕیارە لە چەند هەفتەی داهاتوودا ئەردوغان سەردانی دیمەشقی پایتەختی سووریا بکات و ڕێککەوتنێکی ئەمنی لەگەڵ ئەو وڵاتە واژو بکات.