ڕوونکردنەوەی فڕۆکەخانەی هەولێر لەبارەی ئەو فڕۆکە تورکییەی نەیتوانی لە هەولێر بنیشێتەوە

ئاڤا نیوز

 

فڕۆکەخانەی نێودەوڵەتیی هەولێر جەخت دەکاتەوە کە گەشتەکانی ئەمڕۆی فڕۆکەخانە لە كه‌شێكی ئاسایی و كۆنترۆڵكراو و بێ کێشە بەڕێوەچووە.

 

وێنە گەورەکە: دوای بڵاوبوونەوەی هەواڵ لەبارەی دروستبوونی كێشه‌ له‌ سیستهمی (GPS)ـی فڕۆكه‌خانه‌، کە کێشەی بۆ فڕۆكه‌یه‌كی هێلی ئاسمانی (Turkish Airline) له‌ كاتی نیشتنه‌وه‌ی دروستکردووە و بەهۆیەوە فڕۆكه‌كه‌ گه‌ڕاوه‌ته‌وه‌ وڵاتی توركیا، فڕۆکەخانەی نێودەوڵەتیی هەولێر ڕوونکردنەوەی لەمبارەیەوە دا.

 
ئەوەی پێویستە بیزانیت: له ‌فڕۆكه‌خانه‌ی نێوده‌وڵه‌تیی هه‌ولێر، سێ ڕێگەی جیاواز به‌رده‌سته‌ بۆ نیشتنه‌وه‌ی هه‌ر فڕۆكه‌یه‌ک، ئەوانیش بریتین لە سیستمەکانی ILS، GPS، Visual. 

 

ڕاگەیێنراوی فەرمی: فڕۆکەخانەی نێودەوڵەتیی هەولێر ڕایگەیاند: له‌ كاتی هاتنی ئه‌م فڕۆكه‌یه‌ی هێڵی ئاسمانی (Turkish Airline)، هه‌ردوو سیستمه‌كه‌ به‌رده‌ست بووه‌، به‌ڵام كێشه‌ له‌ سیگناڵی سیسته‌می (GPS)ـی فڕۆكه‌كه‌ هه‌بووه‌، بۆیه‌ گه‌ڕاوه‌ته‌وه‌ وڵاتی توركیا، دوای چه‌ند كاتژمێرێک كێشه‌کەی چارەسەر کراوە، دووباره‌ گەڕاوەتەوە بۆ فڕۆكه‌خانه‌ی هه‌ولێر و به‌بێ هه‌بوونی كێشه‌ له‌ نیشتنه‌وه‌یدا نیشتەوە. 

 

زانیاریی زیاتر: گه‌شتی سه‌رجه‌م فڕۆكه‌كانی ئه‌مڕۆی فڕۆكه‌خانه‌ی نێوده‌وڵه‌تیی هه‌ولێر، به‌ كه‌شێكی ئاسایی و كۆنترۆڵكراو و بێ کێشە بەڕێوەچووە.