بەرنامەیەکی ئاڤا میدیا دەبێتە هۆی ئاشتکردنەوەی دوو هاوسەر

ئاڤا نیوز

 

دوای ئەو هاووڵاتییەکی شاری هەولێر دێتە ناو بەرنامەی مۆری ئاڤا و باس لە کێشەی خێزانی خۆی دەکات، پڕۆگرامەکە دەبێتە هۆی کردنەوەی دەرگایەک بۆ ئاشتەوای لە نێوان ئەو دوو هاوسەرە.

 

وێنە گەورەکە: بەرنامەی مۆری ئاڤا، بەرنامەیەکی تازەیە و شەوانە کاتژمێر 9 لەسەر شاشە و تۆڕە کۆمەڵایەتییەکانی ئاڤا میدیاوە پەخش دەکرێت، بەرنامەکە لەلایەن پێشکەشکار ژوان قەرەدا‌غییەوە پێشکەش دەکرێت و تەوەری بەرنامەکەی باسکردنە لە پرسی ڕۆژ و ئەو کێشانەی ڕووبەڕووی هاووڵاتییان دەبێتەوە.

 

زانیاریی زیاتر: لە تەوەرێکی مۆری ئاڤادا هاووڵاتییەکی شاری هەولێر باس لە کێشەی خێزانی خۆی دەکات کە چەندین ساڵە بەهۆیەوە ئازار دەچێژێت و ڕووبەڕووی لێدان و ئەشکەنجە بووەتەوە، دوای پەخشکردنی بەرنامەکە کاردانەوەیەکی زۆری بەدوای خۆیدا هێنا لە تۆڕە کۆمەڵایەتییەکان.

 

ئەوەی پێویستە بیزانیت: هەوراز گوڵپی، لە گەشتی هەواڵەکانی کاتژمێر حەوت دا بەدواداچوون بۆ کێشەی ئەو خێزانە دەکات بە ئامانجی دروستکردنی ئاشتەوای، دوای ئەوەی پەیوەندی بە ناسکەخانەوە دەکات ئەویش دەڵێت؛ "هیچ کێشەیەکم نییە و مادام تەڵاق نەکەوتووەتە نێوانمان هاوسەرەکەم دەتوانێت بگەڕێتەوە ماڵەکەی خۆی".