ئەسما ئەسەد داوای جیابوونەوە لە بەشار ئەسەد دەکات

ئاڤا نیوز

 

سەرۆکی هەڵاتووی سووریا، دوای 12 ڕۆژ لە کەوتنی دەسەڵاتەکەی و لەدەستدانی کورسی سەرۆکایەتیی، خەریکە ژنەکەشی لەدەست دەدات.

 

وێنە گەورەکە: لە دوای مردنی حافز ئەسەدی باوکی، بەشار ئەسەد لە ساڵی 2000 تاوەکو کۆتایی ساڵی 2024 جڵەوی دەسەڵاتی گرتە دەست، لە دوای ئەو ماوە زۆرە لە حکومڕانی وڵاتەکەی دواجار لە چەند ڕۆژی ڕابردوو دەسەڵاتەکەی بەشار لەلایەن هێزە چەکدارەکانی ئۆپۆزیسیۆنی سووریاوە کۆتایی پێهێنرا و بەشار بەرەو ڕووسیا ڕایکرد. 

 

زانیاریی زیاتر: بە گوێرەیی ئەو زانیارییانەی کە کەناڵی خەبەر تورک بڵاویکردووەتەوە، ئەسما ئەسەد دوای 24 ساڵ لە هاوسەرگیری لەگەڵ بەشار ئەسەدی سەرۆکی پێشووی سووریا، ئێستا لە دادگای ڕووسیا دوای جیابوونەوەی پێشکەشکردووە و دەیەوێت ئەو وڵاتە جێبهڵێت و بەرەو بەریتانیا بڕوات بەڵام تاوەکو ئێستا هیچ وەڵامێکی لە دادگای ڕووسیاوە نەدراوەتەوە.