هادی عامری داوایەک ئاراستەی حکومەتی عێراق دەکات

ئاڤا نیوز

سەرۆکی ڕێکخراوی بەدر داوا لە حکومەتی عێراق دەکات سنوورێک بۆ هێرشەکانی تورکیا بۆ سەر خاکی عێراق دابنێت.

 

وێنە گەورەکە: ئەو داوایەی عامری لە کاتێکدایە ڕۆژانە تورکیا ناوچە سنوورییەکانی هەرێمی کوردستان بۆردوومان دەکات بە پاساوی بوونی چەکدارانی پەکەکە لەو ناوچانە. 

 

لێدوانی فەرمی:  هادی عامری، سەرۆکی ڕێکخراوی بەدر ڕایگەیاند: "بە توندی ئیدانەی ئەو زنجیرە هێرشانە دەکەین کە تورکیا ڕۆژانە لەنێو خاکی عێراق ئەنجامی دەدات، ئەمەش لەژێر هەر پاساوێکدا بێت پێشێلکارییەکی ڕوون و ئاشکرا و ناڕەوایە بۆ سەر سەروەری خاکی عێراق.

 

عامری داوای لە حکومەتی عێراق کرد،  بە خێرایی هەنگاو بنێت و هەموو ئەو ڕێوشوێنانە بگرێتەبەر کە کۆتایی بەم جۆرە هێرشانە دەهێنێت، کە بوونەتە هەڕەشەیەکی ڕاستەوخۆ بۆ سەر ژیان و موڵک و ماڵی هاووڵاتییان.