بەکارهێنانی ڕێژەیەکی زۆر 'بۆن' مرۆڤ تووشی چەندین جۆر نەخۆشی دەکات

ئاڤا نیوز

 

پزیشکان هۆشداریی لە بەکارهێنانی زۆری بۆن دەدەن و ڕایدەگەیێنن، دەبێتە هۆی ژەهراویبوون و ژمارەیەک نەخۆشی مەترسیدار.

 

لێدوانی فەرمی: ڕۆمان ئۆپارین، مامۆستای یاریدەدەر لە بەشی بایۆلۆجی گشتی لە زانکۆی فێرکاری ڕووسیا دەڵێت: بۆنەکان ڕێژەیەکی بەرزی کحولیان تێدایە کە دەگاتە %95 بۆ %96 ئەمە جگە لە ماددە کیمیاییەکانی دیکە و هەڵمژینیان لە ڕێگەی پێستەوە دەبێتە هۆی ژەهراوی بوون و کاریگەری لە سەر هەناسەدان دەبێت.

زانیاریی بەدەستهاتوو: بەگوێرەی پزیشکەکە بەکارهێنانی ڕێژەیەکی زۆر لە بۆن " عەتر"  مەترسی بە ژەهراویبوون زیاد دەکات، ئەمەش بەهۆی بەرزی ڕێژەیی کحول و چەند پێکهاتەی دیکەی زیانبەخش لە ناویدا.
  

ئەوەی پێویستە بیزانیت: بەکارهێنانی 30 بۆ 50 ملیلیتر بۆن  کاریگەری نەرێنی لەسەر تەندروستی جەستە دەبێت، بەڵام ئەگەر بەکارهێنانەکە بۆ زیاتر لە 100ملیلیتر بۆن بەرزبێتەوە کاریگەری خراپ لەسەر کۆئەندامی هەرس، جگەر و گورچیلە و کۆئەندامی دەماری ناوەندی دەکات.