ڕێکخراوی کۆچی نێودەوڵەتی: %90ـی سووریا لە ژێر هێڵی هەژاریدان

ئاڤا نیوز

 

بەهۆی شەڕی 13 ساڵەی سووریا، وڵاتەکە ڕووبەڕووی وێرانکاری و دۆخێکی سەختی ژیانکردن بووەتەوە، بەجۆرێک بەگوێرەی خەمڵاندنەکانی ڕێکخراوی کۆچی نێودەوڵەتیی  %90ـی خەڵکی سووریا لەژێر هێڵی هەژارییەوە دەژین.

 

بڵاوکراوەی فەرمی: ڕێکخراوی کۆچی نێودەوڵەتیی دەڵێت، "%90ـی خەڵکی سووریا لەژێر هێڵی هەژارییەوە دەژین". هاوکات ڕێکخراوەکە پشتگیری و هاوکاریی مرۆیی بۆ گەلی سووریا دووپاتدەکاتەوە و هەوڵەکانی دەخاتەگەڕ بۆ بوژاندنەوە و ئاوەدانکردنەوەی وڵاتەکە.

 

زانیاریی زیاتر: لە هەفتەی ڕابردووەوە نزیکەی 250 هەزار کەس گەڕاونەتەوە ماڵ و حاڵی خۆیان، لەو ژمارەیەش 100 هەزار کەس لە دەرەوەی وڵاتەوە هاتوونەتەوە سووریا.

 

ئەمەش بزانە: لە ساڵی 2011ـەوە زیاتر لە شەش ملیۆن هاووڵاتانی سووریایان جێهێشتووە، حەوت ملیۆن کەسی دیکەش لە سنوورەکاندا ماونەتەوە. 17 ملیۆن کەسیش پێویستیان بەهاوکارییە.