لیژنەی هێزە چەکدارەکانی ئەنجوومەنی پیران بۆ سەرۆکوەزیران بارزانی: ئارامیی هەرێمی کوردستان گرنگە

ئاڤا نیوز

 

لیژنەی هێزە چەکدارەکانی ئەنجوومەنی پیرانی ئەمریکا لە کۆبوونەوەی لەگەڵ سەرۆکوەزیران بارزانی جەختی لەسەر پاراستنی گرنگیی ئارامیی و ئاسایش و سەقامگیریی هەرێمی کوردستان. 

 

وێنە گەورەکە: لە چوارچێوەی سەردانەکەی سەرۆکوەزیران بارزانی بۆ ئەمریکا و ئەنجامدانی دیدار و کۆبوونەوە لەگەڵ بەرپرسان ئەمڕۆ سێشەممە 27-02-2024 مەسرور بارزانی سەرۆکوەزیرانی هەرێمی کوردستان، لە واشنتن لەگەڵ سێناتۆر جاک ڕید سەرۆکی لیژنەی هێزە چەکدارەکانی ئەنجوومەنی پیرانی ئەمریکا و سێناتۆر ڕۆجەر ویکر ئەندامی باڵای لیژنەکە کۆبووەوە. 

 

ڕاگەیێنراوی فەرمی: هەردوولا هاوڕابوون لەسەر گرنگیی پاراستنیی ئارامیی و ئاسایش و سەقامگیریی هەرێمی کوردستان و بەردەوامبوونی پشتیوانیکردنی هێزی پێشمەرگە لەلایەن ئەمریکا و هاوپەیمانیی نێودەوڵەتییەوە. 

لە ڕاگەیێنراوی حکومەتی هەرێمی کوردستان لەبارەی کۆبوونەوەکە ئەمە هاتووە

 

ئەوەی پێویستە بیزانیت: سەرۆکوەزیران بارزانی سوپاسی هاوکاری و پشتیوانیی ئەمریکای کرد و جەختی لە ڕێزگرتن لە قەوارەی دەستووری و فیدراڵیی هەرێمی کوردستان کردەوە. 

زانیاریی زیاتر: سەرۆکی لیژنەی هێزە چەکدارەکانی ئەنجوومەنی پیرانی ئەمریکا، پێزانینی خۆی بۆ خەبات و قوربانیدانەکانی پێشمەرگە و گەلی کوردستان دەربڕی .