لە هەولێر  زیاتر لە 700 هەلی کار پێشکەش بە گەنجان کران

ئاڤا نیوز

لە هەولێر بە بەشداریی 40 کۆمپانیای ناوخۆیی و بیانی پێشانگایەکی هەلی کار کرایەوە و زیاتر لە 700 هەلی کاری جۆراوجۆر پێشکەش بە گەنجانی کوردستان کران.

چیرۆکی سەرەکی: پێشانگاکە لەلایەن jobs.krd کرایەوە، کە پلاتفۆرمێکە و لەڕێگەیەوە گەنجان دەتوانن کاری تێدا بدۆزنەوە، سەر بە دامەزراوەی کوردستان فاوندەیشنە کە لە ڕۆژانی ڕابردووا لەهەولێر ڕاگەیێنرا.

ئەوەی پێویستە بیزانیت: ئەو کارخوازانەی ئەمڕۆ نەیانتوانی بەشداریی پێشانگاکە بکەن، دەتوانن لەڕێگەی ماڵپەڕی پلاتفۆرمەکە بەدوای هەلی کارە بەردەستەکاندا بگەڕێن.

ئەمەش بزانە: لە ماوەی یەک ساڵی ڕابردوودا 15 هەزار گەنج لە پلاتفۆڕمەکە خۆیان تۆمار کردووە، دوو هەزار لەوان کاریان دەستکەوتووە.