مەزڵووم عەبدی: دەمانەوێت بەشێک بین لە سوپای سووریا

ئاڤا نیوز

 

هەسەدە ئامادەیی خۆی بۆ دەستپێکردنی گفتوگۆکان لەگەڵ حکومەتی نوێی سووریا ئاشکرا کرد و دەڵێت، دەمانەوێت بەشێک بین لە سوپای نیشتمانی سووریا.

 

وێنە گەورەکە: هێزەکانی تەحریرولشام دەیەوێت هێزە چەکدارە جیاوازەکان هەڵبوەشێنێتەوە و لە ژێر یەک دامەزراوەدا کۆیان بکاتەوە و سوپایەکی نوێی سووریا لێ دروست بکات.

 

لێدوانی فەرمی: مەزڵووم عەبدی، فەرماندەی هێزەکانی سووریای دیموکرات (هەسەدە) ڕایگەیاند: "دەمانەوێت بەشێک بین لە سوپای نیشتمانی سووریا و داوای حکومەتی فیدراڵی ناکەین".

ئاماژەی بەوەشکرد، تائێستا هەنگاوەکانی ئیدارەی نوێی حکومەتی سووریا ئەرێنین و پێشوازی لێدەکەین.