پاپا فرانسیس: ئەوەی لە غەززە ڕوودەدات دڕندەییە نەوەک شەڕ

ئاڤا نیوز

 

پاپا فرانسیس لە وتاری ساڵانەی جەژنی کریسمیسدا باسی دۆخی دۆخی ڕۆژهەڵاتی ناوەڕاستی کرد و ڕەخنەی لە هێرشەکانی ئیسرائیل بۆ سەر غەززە کرد و بە "دڕندەیی" ناوی برد.

 

لێدوانی فەرمی: پاپا فرانسیس، پاپای ڤاتیکان لە دەستپێکی وتارەکەیدا باسی هێرشەکانی ئیسرائیلی بۆ سەر غەززە کرد و ڕایگەیاند، "منداڵەکان لە غەززە بۆردوومان کران ئەمە شەڕ نییە ئەمە دڕندەییە، ئەمەش بۆیە باس دەکەم چونکە دڵی مرۆڤ تەنگ دەکات".

 

لەلایەکی دیکە: پاپا لە کتێبەکەیدا بەناوی 'هیوا'  لە زاری شارەزایانی نێودەوڵەتییەوە دەگێڕێتەوە کە  "دۆخی غەززە تایبەتمەندی جینۆسایدی هەڵگرتووە". 

 

گۆشەیەکی دیکەی بابەتەکە: وەزیرێکی ئیسرائیلی بە ئاشکرا ڕەخنەی لە پێشنیازێکی پاپا گرت کە داوای لە کۆمەڵگەی نێودەوڵەتی کرد، لێکۆڵینەوە بکرێت کە ئایا ئیسرائیل جینۆسایدی لە غەززە ئەنجامداوە یاخود نا.