جەیک سولیڤان: بەردەوام دەبین لە پاڵپشتیکردنی کورد لە سووریا

ئاڤا نیوز

 

بەرپرسێکی باڵای حکومەتی ئەمریکا پاڵپشتی وڵاتەکەی بۆ ڕۆژئاوای کوردستان دەربڕی و دەڵێت "بەردەوام دەبین لە پاڵپشتیکردنی هاوبەشەکانمان کە ڕووبەڕووی داعش بوونەتەوە".

 

لێدوانی فەرمی: جەیک سولیڤان، ڕاوێژکاری ئاسایشی نیشتمانی ئەمریکا ڕایگەیاند: "بەردەوام دەبین لە پاڵپشتیکردنی هاوبەشەکانمان (هێزەکانی سووریای دیموکرات)، هاوکات پێویستە ئەمریکا پاڵپشتی کورد بکات بۆ تێکشکاندنی داعش لە ڕۆژئاوای کوردستان".

 

ئاماژەی بەوەشکرد، جۆ بایدن، سەرۆکی ئەمریکا مەبەستییەتی هاوکارییەکانمان بۆ کورد لە ڕۆژئاوای کوردستان بەردەوام بێت، چونکە ئەوان گەورەترین زیندانی ئەندامانی داعش دەپارێزن، ئەگەر ئەو چەکدارانە بێنە دەرەوە، مەترسی لەسەر ناوچەکە و جیهان دروست دەکەن.

لەلایەکی دیکەوە: مەزڵووم عەبدی، فەرماندەی هێزەکانی سووریای دیموکرات ڕایگەیاند: داوای هەرێمێکی فیدراڵی لە سووریا ناکەین، بەڵکو لەگەڵ یەکپارچەیی خاکی سووریایین و دەمانەوێت ببین بە بەشێک لە سوپای سووریا.