وەزارەتی ناوخۆی عێراق لەبارەی دەرهێنانی پاسپۆرتەوە بڕیارێکی نوێ دەردەکات

ئاڤا نیوز

 

وەزارەتی ناوخۆی عێراق دەڵێت، لەمەودوا بۆ دەرکردنی پاسپۆرتی ئەلیکترۆنی تەنیا پشت بە کارتی نیشتیمانی دەبەسترێت و چیتر کار بە ناسنامە و ڕەگەزنامە ناکرێت.

 

ئەوەی پێویستە بیزانیت: بەگوێرەی ئامارەکانی وەزارەتی ناوخۆی عێراق ئێستا زیاتر لە 92%ـی هاووڵاتیانی عێراق کارتی نیشتیمانییان هەیە کە لە بەڵگەنامەکانی دەوڵەتدا بووەتە شوێنگرەوەی ناسنامە و ڕەگەزنامەی عێراقی.

 

ڕاگەیێنراوی فەرمی: 22ی ئەم مانگە وەزارەتی ناوخۆی عێراق لە نوسراوێکدا ئاماژەی بەوەکردووە، بۆ پێدانی پاسپۆرت بە هاووڵاتیان لە هەموو بەشەکانی بەڕێوەبەرایەتیی پاسپۆرت ڕەچاوی شوێنی نیشتەجێبوون ناکرێت، هاوکات بۆ بەدەستهێنانی پاسپۆرتی ئەلیکترۆنیش تەنیا پشت بە کارتی نیشتیمانی دەبەسترێت.