ئاسایشی هەولێر بۆ ئاڤا نیوز: هەر کەس دزی کردبێت لە ئاگرەکەی لەنگە دەدۆزرێتەوە و دەستگیر دەکرێت

ئاڤا نیوز

 

ئاسایشی هەولێر ڕایگەیاند، هەر کەس دزی کردبێت لە ئاگرەکەی بازاڕی لەنگە دەدۆزرێتەوە و دەستگیر دەکرێت، هەر دووکاندارێکیش گومان دەکات دزی لێکرابێت، دەتوانێت سکاڵا تۆمار بکات. 

 

لێدوانی فەرمی: موقەدەم ئەردەلان، بەرپرسی ڕاگەیاندنی ئاسایشی هەولێر بۆ ئاڤا نیوز ڕایگەیاند: سەرجەم تیمەکانمان لە بازاڕی لەنگە لەگەڵ پۆلیسی هەولێر بڵاوەی پێکراوە،  بەدواداچوون لەگەڵ هەموو ئەو کەسانە دەکرێت کە کاری نایاساییان کردووە. 

 

زانیاریی زیاتر: ئەو دووکاندارانەی گومانیان هەیە دزیان لێکرابێت دەتوانن سكاڵا تۆمار بکەن و بەدواداچوون دەکرێت، هەر کەس دزی کردبێت دەدۆزرێتەوە. 

 

لەلایەکی دیکەوە: ئاسایشی هەولێر تاوەکو ئێستا هیچ کەسێکی دەستگیرنەکردووە و هیچ سکاڵایەک لەبارەی دزیکردن لە ڕووداوی ئاگرکەوتنەوەی بازاڕی لەنگەی هەولێر تۆمار نەکراوە.