داعش لە دوو قۆڵەوە هێرش دەکاتە سەر ڕۆژئاوای کوردستان

ئاڤا نیوز

 

چەکدارانی داعش لە ناوچەکانی باشووری حەسەکە و لە باکووری دێرەزوور هێرش دەکەنە سەر هێزەکانی ئاسایشی ناوخۆ لە ڕۆژئاوای کوردستان.

 

وێنە گەورەکە: لەدوای کەوتنی ڕژێمەکەی ئەسەد و کۆنترۆڵکردنی لەلایەن گرووپە چەکدارەکانەوە، جموجۆڵەکانی داعش لە باکوور و ڕۆژهەڵاتی سووریا زیادیکردووە.

 

ڕاگەیێنراوی فەرمی: هێزەکانی ئاسایشی ناوخۆ ڕایگەیاند: شەوی ڕابردوو لە ماوەی چەند کاتژمێرێکدا شانە بەکرێگیراوەکانی داعش دووەمین خاڵی پشکنینی هێزەکانی ئاسایشی ناوخۆیان لە باکوور و ڕۆژهەڵاتی سووریا کردە ئامانج، هێرشی یەکەمیان لە ناوچەکانی باشووری حەسەکە بوو، دواهەمینیان لە لادێکانی باکووری دێرەزوور بوو.

 

زانیاریی زیاتر: هێزەکانی ئاسایشی ناوخۆ لە ناوچەی باکوور و ڕۆژهەڵاتی سووریا ئاماژە بە پەرەسەندنی چالاکیی شانە بەکرێگیراوەکانی داعش لە ناوچەکەدا دەکەن و جەخت لەوە دەکەنەوە "بەکرێگیراوانی داعش سوودی لە سەرقاڵبوونی هێزە ئەمنییەکان بە ڕووبەڕووبوونەوەی هێرشە بەردەوامەکانی سوپای تورکیا و بەکرێگیراوەکانی وەرگرتووە".