مقاوەمەی عێراق وەستاندنی هێرشەکانی دژ بە ئیسرائیل ڕادەگەیێنێت

ئاڤا نیوز

یەکێک لە گرووپە چەکدارەکانی سەر بە مقاوەمەی ئیسلامی لە عێراق ڕایدەگەیێنێت، واز لە "چەمکی یەکێتیی گۆڕەپانەکان" دژ بە ئیسرائیل ناهێنین و ئۆپەراسیۆنە سەربازییەکانیشیان دژ بە ئیسرائیل بە هۆکاری ناوخۆیی و دەرەکی دەوەستێنین.

 

وێنە گەورەکە: کەتیبەکانی سەیدولشوهەدا لە عێراق کە یەکێکە لە گرووپەکانی نێو حەشدی شەعبی دوای شەڕی نێوان حەماس و ئیسرائیل لە ئۆکتۆبەری ساڵی ڕابردووەوە، لەژێر ناوی بەرەی مقاوەمەی ئیسلامی لە عێراق بەرپرسیارێتیی چەندین هێرشیان بۆ سەر ئیسرائیل بە مووشەک و درۆن لە ئەستۆ گرتووە.

 

لێدوانی فەرمی: کازم فەرتووسی، وتەبێژی کەتیبەکانی سەیدولشوهەدای عێراق ڕایگەیاند: ئۆپەراسیۆنی گرووپە عێراقییەکان دژ بە ئیسرائیل پەیوەست بوو بە ئۆپەراسیۆنەکانی حیزبوڵڵای لوبنان، بەهۆی هەبوونی ئاگربەست لە لوبنان ئەوانیش ئۆپەراسیۆنەکانیان ڕاگرتووە.

 

زانیاریی زیاتر: هۆکاری دووەم بە گوتەی فەرتووسی هاوبەشەکانیان لە عێراق تێبینی و ڕەخنەیان لەسەر ئۆپەراسیۆنی گرووپە چەکدارییەکان هەبوو، پێویست بوو گوێیان لێ بگیرێت و بە باشی خوێندنەوە بۆ دۆخەکە بکرێت.

 

ئەوەی پێویستە بیزانیت: ئەبو ئالا وەلائی، ئەمینداری گشتیی کەتیبەکانی سەیدولشوهەدا لە عێراق، لە کۆتایی مانگی ئایاری ئەمساڵ بە شێوەی ئۆنلاین بەشداری لە خولی 33یەمی کۆنفڕانسی نەتەوەیی عەرەبی لە بەیرووت کرد و ڕایگەیاند هەڕەشەی چڕکردنەوەی هێرشەکانی بۆسەر ئیسرائیل ڕاگەیاند و ئاماژەی بەوەدا لەم قۆناغەدا ئەو چەکانەی بەکاریدەهێنن ئیسرائیل شۆک دەکات.