وەزیری دەرەوەی ئوردن سەردانی سووریا دەکات

ئاڤا نیوز

 

ئەمڕۆ دووشەممە ئەیمەن سەفادی، وەزیری دەرەوەی ئوردن سەردانی دیمەشق کرد و لەگەڵ ئەحمەد شەرع، سەرۆکی ئیدارەی نوێی سووریا کۆبووەوە.

 

وێنە گەورەکە: لە دوای کەوتنی دەسەڵاتی بەشار ئەسەد لەسەر دەستی هێزەکانی ئۆپۆزیسیۆنی سووریا، ئێستا ترافیکی سەردانی نێردەی وڵاتان بۆ سووریا قەرەباڵغی پێوەدیارە هەموو وڵاتان دەیانەوێت پەیوەندییە دیبلۆماسییەکانیان لەگەڵ سووریا دەستپێبکەنەوە. 
 
ڕاگەیێنراوی فەرمی: وەزارەتی دەرەوەی ئوردن ڕایگەیاند، ئەیمەن سەفادی، جێگری سەرۆکوەزیران و  وەزیری دەرەوەی ئوردن، ڕۆژی دووشەممە سەردانی دیمەشق دەکات، لەگەل ئەحمەد شەرع، فەرماندەی گشتی ئیدارەی نوێی سووریا و ژمارەیەک لە بەرپرسانی سووریا کۆدەبێتەوە.

 

بەتەنیشت ئەم بابەتەوە: ڕۆژی یەکشەممە، هاکان فیدان، وەزیری دەرەوەی تورکیا سەردانی سووریای کرد و لەگەڵ ئەحمەد شەرع کۆبووە و دواتر هاکان فیدان لە کۆنگرەیەکی ڕۆژنامەوانیدا ڕایگەیاند: دەبێت حکومەتی نوێی سووریا دەسەڵاتی بەسەر تەواوی سووریادا هەبێت و خوازیارین سووریا یەک پارچە بێت و گرووپە تیرۆرستییەکان لە سووریادا نەمێنن. هاوکات تورکیا مافی خۆیەتی سنوورەکانی لەهەڵ سووریا بپارێزێت.

 

لەلایەکی دیکەوە: هەر ئەمڕۆ شاندێک بە سەرۆکایەتیی ڕاوێژکاری دیوانی شاهانەی سعودییە سەردانی دیمەشقی پایتەختی سووریای کردووە لە کۆشکی گەل لەگەڵ ئەحمەد شەرع کۆبوونەوە.