ئێران: پەیوەندی ڕاستەوخۆمان لەگەڵ حکومەتی ئێستای سووریا نییە

ئاڤا نیوز

 

وەزارەتی دەرەوەی ئێران ڕایگەیاند، ئێستا هیچ پەیوەندی ڕاستەوخۆمان لەگەل لایەنی دەسەڵاتداری ئێستای سووریا نییە.

 

وێنە گەورەکە: لە دوای کەوتنی دەسەڵاتی بەشار ئەسەد کە بە هاوبەشی سەرەکی ڕووسیا و ئێران دادەنرا تاوەکو ئێستا ئەو وڵاتانە پەیوەندییان لەگەڵ دەسەڵاتدارانی نوێی سووریا دەستپێنەکردووەتەوە، ئێرانیش دەڵێت، پێشتر پەیوەندیمان لەگەڵ ئۆپۆزیسیۆنی سووریا هەبووە. 

 

لێدوانی فەرمی: ئیسماعیل بەقائی، وتەبێژی وەزارەتی دەرەوەی ئێران ڕایگەیاند: ئێمە ئێستا پەیوەندی ڕاستەوخۆمان لەگەڵ لایەنی  دەسەڵاتدار لە سووریا نییە.

 

- لە داهاتوودا بە پشت بەستن بە کردەوەکانی پەیوەندییەکانمان لەگەل لایەنی دەسەڵاتداری ئێستا سووریا یەکلای دەکەینەوە.

 

- پێشتر پەیوەندیمان لەگەل ئۆپۆزیسیۆنی سووریا هەبوو بەمەبەستی دۆزینەوەی ڕێگاکانی چارەسەری قەیرانەکان.

 

زانیاریی زیاتر: سەبارەت بە ئاسایشی سووریا و کاریگەری لەسەر ناوچەکە بەقائی گوتی، نەبوونی ئاسایش لە سووریا کاریگەری لەسەر تەواوی وڵاتانی ناوچەکە هەیە، نابێت ببێتە پەناگەیەک بۆ دروستبوونی تیرۆر.