ئێران ڕاگرتنی گەشتەکانی بۆ سووریا درێژ کردەوە

ئاڤا نیوز

 

لەگەڵ کەوتنی دەسەڵاتی بەشار ئەسەد لە سووریا و کۆنترۆڵکردنی دەسەڵات لەلایەن دەستەی تەحریرولشام، ئێران بڕیاریدا سەرجەم گەشتەکانی بۆ سووریا ڕابگرێت و ئێستاش جارێکی دیکە ڕاگرتنی گەشتەکانی درێژکردەوە. 

 

لێدوانی فەرمی: حوسێن پورفەرزانە، سەرۆکی ڕێکخراوی فڕۆکەوانی مەدەنی ئێرانی ڕایگەیاند: بۆ ئەوەی بتوانین گەشت بۆ وڵاتێک بکەین پێویستمان بە ڕەزامەندی چوونە ناو ئەو وڵاتە هەیە، هەر بۆیە گەشتە ئاسمانییەکانی وڵاتەکەمان تا کۆتایی مانگی یەکی ساڵی داهاتوو ڕادەگرین.

 

زانیاریی زیاتر: بڕیارە دەستەی فڕۆکەوانی ئێران لە دوای 22-1-2025وە گەشتەکانی بۆ سووریا ڕێکبخات. 
 
لەلایەکی دیکەوە: ئیسماعیل بەقائی،  وتەبێژی وەزارەتی دەرەوەی ئێران ڕایگەیاند، ئێران ئێستا پەیوەندی ڕاستەوخۆیان لەگەڵ لایەنی دەسەڵاتدار لە سووریا نییە، هۆشداریشی دا کە ئێرانییەکان لەم ماوەیەدا خۆیان لە گەشتکردن بۆ سووریا بەدوور بگرن.