ئەحمەد شەرع و گرووپە چەکدارەکانی سووریا ڕێککەوتن

ئاڤا نیوز

 

ئەحمەد شەرع، سەرۆکی ئیدارەی نوێی سووریا لەگەڵ فەرماندەی ' گرووپە شۆڕشگێڕەکان' گەیشتە ڕێککەوتن بۆ هەڵوەشاندنەوەی سەرجەم و تێکەڵکردنیان لەگەڵ سوپای نیشتمانی سووریا لەژێر چەتر وەزارەتی بەرگریدا. 

 

ڕاگەیێنراوی فەرمی: فەرماندەیی گشتیی سووریا لە بەیاننامەیەکدا ڕایگەیاند، ئەحمەد شەرع، سەرۆکی ئیدارەی نوێی سووریا و سەرکردەی گرووپە چەکدارەکان ڕێککەوتن لەسەر هەڵوەشاندنەوەی هەموو گرووپەکان و یەکخستنەوەیان لە ژێر چەتر وەزارەتی بەرگری سووریا. 

 

ئەوەی پێویستە بیزانیت: چەند ڕۆژێک پێش ئێستا ئیدارەی نوێی سووریا مەرهەف ئەبو قەسرەی وەکو وەزیری بەرگریی سووریا دیاریکرد کە پێشتر سەرکردەی سەربازی دەستەی تەحریرولشام بوو.