ئاماری کوژراوانی غەززە بۆ 45 ھەزار و 338 کەس بەرزبووەوە

ئاڤا نیوز

 

دوای زیاتر لە ساڵێک لە شەڕ و پێکدادانی نێوان حەماس و ئیسرائیل لە غەززە تا دێت ئاماری کوژراوان بەرزتر دەبێتەوە، بە گوێرەی نوێترین ئامار ژمارەکە بۆ سەروو 45 هەزار بەرزبووەتەوە. 

 

وێنە گەورەکە: لە حەوتی ئۆکتۆبەری 2023، حەماس بە سەرکردایەتیی یەحیا سینوار هێرشێکی بەرفراوانی کردە سەر ئیسرائیل کە بووە هۆی کوژران و برینداربوونی سەدان هاووڵاتی سیڤیل و بەدیلگرتنی دەیانی دیکە. 

 

ڕاگەیێنراوی فەرمی: وەزارەتی تەندروستیی فەڵەستین لە کەرتی غەززە لە ڕاگەیێنراوێکدا، دوایین ئاماری لەبارەی ژمارەی قوربانیانی هێرشی ئیسرائیل دژبە فەڵەستینییەکانی بڵاوکردەوە کە تێیدا ژمارەی کوژراون، بەرزبووەتەوە بۆ 45 ھەزار و 337 کەس، بریندارانیش گەیشتووەتە 107 ھەزار و 764 کەس.