یەکەم بەرپرسی عێراق دەچێتە سووریا

ئاڤا نیوز 

 

سەرۆکی دەزگای هەواڵگریی عێراق وەک یەکەم بەرپرسی عێراق دوای ڕووخانی ڕژێمەکەی بەشار ئەسەد گەیشتە دیمەشق و لەگەڵ ئەحمەد شەرع، فەرماندەی ئۆپەراسیۆنە سەربازییەکانی سووریا کۆدەبێتەوە.

 

وێنە گەورەکە: دوای ڕووخانی ڕژێمەکەی بەشار ئەسەد بۆ یەکەمجار بەرپرسێکی عێراقی سەردانی سووریا دەکات. 

 

لێدوانی فەرمی:  باسم عەوادی، گوتەبێژی حکومەتی عێراق بە ئاژانسی فەرمیی عێراقی ڕاگەیاندووە: شاندێکی عێراق بە سەرۆکایەتیی حەمید شەتری، سەرۆکی دەزگای هەواڵگریی عێراق گەیشتە دیمەشق بۆ کۆبوونەوە و دیدار لەگەڵ بەرپرسانی ئیدارەی نوێی سووریا. 

 

زانیاریی زیاتر: شاندەکە لەگەڵ بەرپرسانی ئیدارەی نوێی سووریا تاوتوێی پێشهاتەکانی سووریا و داوای پاراستنی ئاسایش و سەقامگیری لە سنوورە هاوبەشەکانی نێوان عێراق و سووریا دەکەن.