توانەوەی سەهۆڵبەندانەكان مەترسی لەسەر ورچەكان دروستكردووە

ئاڤا نیوز

‎زانایان هۆشداری دەدەن، بەهۆی گەرمبوونی جیهان و توانەوەی سەهۆڵبەندانەکانی جەمسەری باکوور، ورچە جەمسەرییەکان لە مەترسی برسێتی و لەناوچووندان.

‎بۆچی گرنگە: لەگەڵ ئەوەی بە خێرایی بەستەڵەکی دەریای جەمسەری باکوور بچووک دەبێتەوە، ورچە جەمسەرییەکان مەترسی تێکچوونی تەندرووستیی و برسێتییان لەسەرە.

‎ئەوەی پێوستە بیزانیت: کاتێک سەهۆڵ دەتوێتەوە، ورچە جەمسەرییەکان دێنە کەنار ئاوەکان، لەوێ یان بەدوای سەرچاوەی خۆراکی دیکەدا دەگەڕێن یان پشت بە هەڵگرتنی چەوری دەبەستن تاوەکو سەهۆڵەکە دووبارە بەستوو دەبێتەوە.

‎مەترسیە پێشبینيکراوەکان: جەمسەری باکوور دوو هێندە خێراتر لە هەموو شوێنێکی دیکەی هەسارەى زەوی گەرم دەبێت،  بە ڕێژەی 14% لە هەر دە ساڵێکدا ڕووپۆشی سەهۆڵی دەریاکان بچووک دەکاتەوە.

‎زانیاريی زیاتر: ورچە جەمسەرییەکان بۆ زۆرێک لە چالاکییەکانی وەک گەشتکردن، پشوودان، جووتبوون و   ڕاوکردن زۆر پشت بە سەهۆڵی دەریا دەبەستن، جگە لەوەی بۆ خۆراکیش پێویستیان بە بڕێکی زۆر چەوری هەیە بۆ ئەوەی لە کەشوهەوای سارددا بژین.