مالیکی: پێویستە ڕێگری لە گەڕانەوەی بەعسییەکان بکرێت

ئاڤا نیوز

 

جارێکی دیکە سەرۆکی هاوپەیمانی دەوڵەتی یاسا، هۆشداری لە مەترسی دووبارە گەڕانەوەی حیزبی بەعس دەدات و داوای پشتیوانی بۆ بنبڕکردنیان دەکات.

 

لیدوانی فەرمی: نووری مالیکی، سەرۆکی هاوپەیمانی دەوڵەتی یاسا لە پۆستێکدا لە هەژماری خۆی لە تۆڕی کۆمەڵایەتی ئیکس ڕایگەیاند: "دەستەی لێپرسینەوە و دادپەروەری بەرپرسیارە لە بنبڕکردن و ڕێگریکردن لە گەڕانەوەی حیزبی بەعسی هەڵوەشاوە".

 

زانیاریی زیاتر: مالیکی ئاماژە بۆ ئەوەش دەکات بۆ پاراستنی ئەزموونی دیموکراسی و پاراستنی دەستکەوتە دەستوورییەکان، پێویستە ڕۆڵی دەستەی لێپرسینەوە و دادپەروەری زیاتر بکرێت بۆ پاراستنی دامودەزگاکانی دەوڵەت لە دزەکردنی بەعسییەکان و گەڕانەوەیان بۆ نێو کایەی سیاسی .