سوودانی و مەشهەدانی: نابێت دەست بۆ یەکپارچەیی خاکی سووریا ببرێت

ئاڤا نیوز

 

محەممەد شیاع سوودانی، سەرۆکوەزیرانی عێراق و مەحموود مەشهەدانی، سەرۆکی پەرلەمانی عێراق  کۆبوونەوە، دواتر هەردوولا جەختیان لە پاڵپشتیی ناوچەیی و جیهانی بۆ گەڕاندنەوەی سەقامگیریی بۆ سووریا  و پارستنی یەکپارچەیی خاکی ئەو وڵاتە کردەوە.

 

وێنە گەورەکە: سەرۆکوەزیرانی عێراق و سەرۆکی پەرلەمانی تازە هەڵبژێردراو گفتوگۆیان لەسەر چەند پرسێکی نێوخۆیی، ناوچەیی و هەرێمیی کرد، هاوکات لەمیانی دیدارەکەدا جەخت لەسەر پێویستی یەکخستنی گوتار و هەڵوێستەکان کرایەوە، بە شێوەیەک کە سەقامگیری سیاسی و کۆمەڵایەتی لە وڵاتدا باشتر بکات.

 

ڕاگەیێنراوی فەرمی: نووسینگەی میدیایی سەرۆکوەزیرانی عێراق لە بەیاننامەیەکدا ڕایگەیاند: گفتوگۆ دەربارەی پێشهاتەکانی هەرێمی و نێودەوڵەتی کرا، بەتایبەتی سووریا کە باس لە گرنگیی ڕێزگرتن لە ئیرادەی گەلەکەی کرا و پاڵپشتیکردنی هەوڵە هەرێمی و نێودەوڵەتییەکان بۆ گەڕاندنەوەی سەقامگیری و دەستنەبردن بۆ یەکپارچەیی خاکەکەی.

 

لەلایەکی دیکە: ئەمەش لە کاتێکدایە ڕۆژی هەینی، سوودانی لەمیانی چاوپێکەتنێکی تەلەڤزیۆنیدا وتی: عێراق ڕێگە نادات گرووپە چەکدارەکان سنوورەکانی عێراق لەگەڵ سووریا ببەزێنن و هیوادارین هەماهەنگی لەنێوان بەغدا و دیمەشق بۆ کۆنترۆڵکردنی سنوورەکان لەو پەڕی باشیدابێت.