نەتەوەیەکگرتووەکان: 60 هەزار سووری گەڕاونەتەوە وڵاتی خۆیان

ئاڤا نیوز

 

دوای کەوتنی دەسەڵاتی بەشار ئەسەد لە سووریا، ئەو پەنابەرانەی بەهۆی شەڕەوە سووریایان بەرەو وڵاتانی دیکە جێهێشتبوو، دەگەڕێنەوە وڵاتی خۆیان، تائێستاش نزیکەی 60 هەزار کەس گەڕاونەتەوە ئەو  وڵاتە.

 

ڕاگەیێنراوی فەرمی: کۆمسیاری باڵای کاروباری پەنابەرانی سەر بەنەتەوەیەکگرتووەکان ڕایگەیاند: "نزیکەی 60 هەزار پەنابەری سووری لە وڵاتە جیاوازەکانەوە گەڕاونەتەوە وڵاتی خۆیان، بەپێی ژمارەکانیش زۆرینەیان منداڵن".

 

باکگراوند: ڕۆژی یەکشەممە، 8-12 -2024، هێزەکانی ئۆپۆزیسیۆنی سووریا کۆنترۆڵی دیمەشقیان کرد بەمەش توانرا کۆتایی بەدەسەڵاتی بەشار ئەسەد لەو وڵاتە بهێنرێت.