ئەفغانستان هێرشی تۆڵەسەندنەوە دەکاتە سەر پاکستان

ئاڤا نیوز

 

هێزەکانی تاڵیبان کە حکومەتی ئەفغانستانیان بەدەستەوەیە چەند هێرشێکی تۆڵەسەندنەوەیان لە ناو خاکی پاکستان ئەنجام دا. 

 

لێدوانی فەرمی: عینایەتۆڵا خوارەزمی، گوتەبێژی وەزارەتی بەرگریی ئەفغانستان، ڕایگەیاند " لە تۆڵەی ئەو هێرشانەی کرانە سەر باشووری ڕۆژهەڵاتی وڵات، چەندین پێگە و ناوەند و حەشارگەکانی شانە دوژمنکارەکان و پارێزەرانیان لەوبەرەوەی هێڵی سنووری کە لەوێوە هێرشەکانی سەر ئەفغانستان ڕێکدەخران و بەڕێوەدەبران، کرانە ئامانج."

 

زانیاریی زیاتر: جگە لەم هێرشانە، پێکدادانی سەربازی لە ناوچە سنوورییەکان و خاڵەکانی پشکینین ڕوویداوە و بە گوێرەی زانیارییە سەرەتاییەکان لانیکەم سەربازێکی پاکستان کوژراوە و حەوتی دیکەش بریندار بوون.

 

بۆچوونی لایەنی بەرامبەر: پاکستان دەڵێت لە هێرشەکانی چەند ڕۆژی ڕابردووی بۆ سەر ویلایەتی پەکتیکا ژمارەیەک چەکداری کردووەتە ئامانج، بەڵام حکومەتی تاڵیبان لە ئەفغانستان دەڵێت 46 کەس لە هێرشەکاندا کوژراون.