چەكی بێمۆڵەت لە ماڵی ئالان دیلۆن دەدۆزرێتەوە

ئاڤا نیوز

پۆلیسی فەڕەنسا  لە ماڵی ئالان دیلۆن-ی ئەستێرەی سینەمایی فەڕەنسا، دەستیان بەسەر 72 چەکدا گرتووە، کە مۆڵەتی خاوەنداریی و بەکارهێنانی هیچیانی نییە.

چیرۆکی سەرەکی: لە ماوەی ڕابردوودا ئەفسەرێکی پۆلیس سەردانی ماڵی ئالان دیلۆنی ئەستێرەی سینەمایی فەڕەنسای کردبوو، بینیبووی کە لە ماڵەوە چەکی هەیە، دادوەری لێ ئاگادار کردبووەوە، ئەویش فەرمانی پشکنینی ماڵەکەی دەرکرد و لە ئەنجامدا پۆلیس دەستی بەسەر 72 چەکی بێمۆڵەتدا گرت.

زانیاريی زیاتر: هەروەها نزیکەی 3000 فیشەک و تەقەمەنی و شوێنی فیشەک تەقاندنیشیان لە نێو ماڵەکەیدا دۆزیوەتەوە.

لێدوانی فەرمی: داواکاری گشتیی شاری ڕێن لە فەڕەنسا ڕایگەیاند: "دیلۆن مۆڵەتی چەکی نییە".
باکگراوند: ئالان دیلۆنی تەمەن 88 ساڵ، لە چەندین فیلمی شەست و حەفتا و هەشتاکانی سەدەی ڕابردوودا ڕۆڵی چەتە و مافیای بينيوە. لە ساڵی 2019دا تووشی جەڵدە بوو و لەو کاتەوە تەندروستیی باش نییە.