ئەمڕۆ بەغدا پارەی كارمەندانی سەر سندووق ڕەوانە دەکات

ئاڤا نیوز

 

بڕیارە ئەمڕۆ بەغدا پارەی كارمەندانی سەر سندووقی دەنگدان ڕەوانە بکات، بەگوێرەی سنووری جۆگرافی پارێزگاكان، بڕە پارەی كارمەندانی كۆمیسیۆن بۆ ئۆفیسەكان لە پارێزگاكانی دهۆك، هەولێر و سلێمانی دەگوازرێتەوە.

 

لێدوانی فەرمی: عیماد جەمیل، بەڕێوەبەری ڕاگەیاندنی کۆمیسیۆنی سەربەخۆی هەڵبژاردنەکان بە ئاڤای ڕاگەیاند، "ئەمڕۆ پارەکە ڕەوانەی هەرێمی کوردستان دەکەن، دابەشکردنەکەش دەکەوێتە سەر نووسینگەکانی کۆمیسیۆن لە هەرێمی کوردستان، بەپێی خشتەی خۆیان پارەکە دابەش دەکەن".

 

لەلایەکی دیکەوە: مەروان محەممەد، بەرپرسی ئۆفیسی هەولێری کۆمیسیۆنی هەڵبژاردنەکان بە ئاڤا میدیای ڕایگەیاند: ئەمڕۆ لە ڕێگەی بانگی TBI ـیەوە، شایستە داراییەكانی كارمەندانی سەر سندووقەكانی دەنگدانی هەڵبژاردنی پەرلەمانی كوردستان دەگاتە هەرێمی كوردستان، کە شایستەی زیاتر لە 41 هەزار كارمەندە.

 

زانیاریی زیاتر: بەپێی ئەو پارەیەی كۆمیسیۆن تەرخانیکردووە، ئەوانەی فەرمانبەری حكومەت بوون  150 هەزار دینار و دەرچووانی زانكۆ و پەیمانگەكان 250 هەزار و یەدەگەکانیش 100 هەزاریان بۆ خەرج دەکرێت.